മൂവാറ്റുപുഴ: ദൈവത്തിന് പ്രീതികരമായ ശുശ്രൂഷയാണ് പാലിയേറ്റീവ് പ്രവർത്തനമെന്ന് കോതമംഗലം ബിഷപ് മാർ ജോർജ് മഠത്തിക്കണ്ടത്തിൽ.
മൂവാറ്റുപുഴ ഹോളി മാഗി ഫൊറോന പള്ളി പാരീഷ് ഹാളിൽ കേരള ലേബർ മൂവ്മെന്റ് കോതമംഗലം രൂപതയുടെ ആഭിമുഖ്യത്തിൽ സംഘടിപ്പിച്ച രോഗികളുടെയും അവരുടെ ശുശ്രൂഷകരുടെയും ഏകദിന സംഗമത്തിൽ അനുഗ്രഹപ്രഭാഷണം നടത്തുകയായിരുന്നു ബിഷപ്. കത്തോലിക്ക കോൺഗ്രസ് രൂപത ഡയറക്ടറും ഹോളി മാഗി പള്ളി വികാരിയുമായ ഡോ. മാനുവൽ പിച്ചളക്കാട്ട് ഉദ്ഘാടനം ചെയ്തു.
പാലിയേറ്റീവ് രൂപത കൺവീനർ സിബി വാഴയിൽ അധ്യക്ഷത വഹിച്ചു. സംസ്ഥാന ഡയറക്ടറും രൂപതാ ഡയറക്ടറുമായ ഫാ. അരുൺ വലിയതാഴത്ത് ആമുഖപ്രഭാഷണം നടത്തി. കെഎൽഎം സംസ്ഥാന ട്രഷററും രൂപത പ്രസിഡന്റുമായ തോമസ് മാത്യു, പാലിയേറ്റീവ് രൂപത കോ -ഓർഡിനേറ്റർ ആന്റണി പുല്ലൻ, പാലിയേറ്റീവ് രൂപത ആനിമേറ്റർ സിസ്റ്റർ ഗ്ലോറിയ തുടങ്ങിയവർ പ്രസംഗിച്ചു.